Фото: Оддий қора водолазка билан ўзига хос кўриниш мумкинлиги юлдузлар образи мисолида

Совуқ кунларда кийиш учун айни муддао бўлган водолазка билан турли образлар яратиб бўлмайди, деб ўйлаганлар янглишади. Тўғри аксессуар танлаш ва бошқа кийимларни мослаш билан кўнгилдагидек кўринишга эга бўлиш мумкин.

Миди ва макси узунлигидаги юбка

Миди ёки макси узунлигидаги исталган юбка билан кўнгилдагидек образ яратиш мумкин. Узун моделларни ҳеч иккиланмасдан офис ёки оқшом тадбирларига кийса бўлади. Плиссировкали юбканинг калта варианти билан эса кундалик образлар яратиш мумкин.

Кофта

Водолазка нафақат асосий, балки кийиниш услубига алоҳида урғу берадиган қўшимча элемент ҳам ҳисобланади. Масалан, унинг устидан кофта кийиб, ўзига хос кўриниш мумкин.

Қуёшдан ҳимоя қилувчи кўзойнак

Юлдузлар аксарият ҳолларда қуёшдан ҳимоя қилувчи кўзойнакни водолазкага мослашни афзал билади. Сиз ҳам улардан илҳомланиб, мазкур аксессуар билан қишин-ёзин образга урғу беришингиз мумкин.

Чарм матодан тикилган шимлар

Водолазкалар билан жинси ва чарм матодан тикилган шим кийишингиз мумкин. Бундай комбинация нафақат кундалик, балки оқшом образлари учун ҳам айни муддао.

Пальто

Дидли ва қулай кийиниш учун водолазка устидан пальто кийишнинг ўзи кифоя.

Шарф ва рўмол

Куртка ёки пальтони ечганда образ тугалланмагандек кўринишини истамасангиз, бўйнингизга рўмол ўраб, уни тўлдиринг.

Пиджак ва классик шим

Пиджакни классик услубдагисини, street style’ни хуш кўрадиганлар эса oversize’ини ҳам танлаши мумкин. Шим билан эса ҳаммаси бошқачароқ. Масалан, белдан пастда турадиган классик бичимли шимлар офис учун айни муддао. Кенг бичимли моделлар эса кундалик образ учун яхши танлов.

Костюм-шим

Костюм-шим ва водолазка офис учун энг яхши вариант. Бунинг учун уни монохром, яъни бир рангдаги, кенг ва ҳаракатланиш қулай бўлган вариантларини танланг. Бу борада Ирина Шейкнинг кийиниш услубидан илҳомланиш, тўқ рангда кийиниб, ранг-баранг сумка билан образга урғу бериш мумкин. Ё бўлмаса, Роузи Хантингтон сингари водолазка рангидаги аксессуар харид қилиш мумкин.

Занжир

Водолазка билан занжир тақиб ҳам ноодатий кўринишга эга бўлиш мумкин. Бошқа тақинчоқлардан фарқли ўлароқ, ҳажмли занжир кўринишни жиддий, шу билан бирга замонавий қилиб кўрсатади.