Rolls-Royce компанияси Black Badge версиясидаги тўқ кўк кузов ва углепластикдан тайёрланган «Экстаз руҳи» рамзи билан жиҳозланган эксклюзив Cullinan’ни намойиш этди. Кроссовер Google’нинг тенхологиялар бўйича вице-президенти Бенжамин Слосс буюртмасига асосан яратилган, деб хабар беради Motor.
Cullinan Black Badge кузови эксклюзив версия учун махсус яратилган Pikes Peak Blue рангига бўялган. Кузовнинг «елка» қисмидан ўтган сариқ чизиқ, шунингдек, сариқ тормоз дискалари контрастни ҳосил қилади.
Америка техногигантининг топ-менежерининг буюртмаси бўйича капотдаги «Экстаз руҳи» фигураси бутун карбон бўлагидан ясалган. Сариқ акцентлар ёрқин «вставка»лар билан безатилган олд панел ва эшик картларига эга салонда ҳам давом этган. Ўриндиқлар тикилган чиқиз, чексизлик рамзига эга Rolls-Royce логотипи ва Слосснинг шахсий монограммаси ҳам шу рангда ишланган.
Кроссовернинг ўзига хос жиҳатлари орасидан зангламайдиган пўлатли тўқ кўк ромга солинган фирма соатлари, шунингдек, топ-менежернинг рафиқаси Кристон Слосснинг пойга жамоаси туфли кўринишидаги логотипи эшикларга туширилган.
Rolls-Royce Cullinan Black Badge капоти остидан 600 от кучини тақдим этишга қодир 6,75 литрли V12 двигатели ўрин олган. Бундан ташқари, айланувчи момент ҳам стандарт Cullinan’ларникига қараганда оширилган — 850 дан 900 Нмгача. Кроссовер соатига 100 километер тезликка 4,9 сонияда эришади, максимал тезлиги — 250 километр/соат.
Мавзуга доир:
Изоҳ (0)