28 март куни деярли бутун Ўзбекистон бўйлаб кузатилган ёғингарчилик Самарқанд ва Навоий вилоятларида кўп ноқулайликлар келтириб чиқарди. Telegram’даги Гидрометрологик илмий таҳлиллар, об-ҳаво башоратлари, тадқиқотлар, маърузалар каналида ёзилишича, Хатирчи туманига ўтган бир кеча-кундузда 1 гектар майдонга 540 тонна сув тушган.
Самарқанд, Навоий вилояти жанубий туманлари ҳамда Бухоро вилоятининг юқоридаги туманларга чегарадош туманларида 28 март куни 09:00 дан 11:20 оралиғида кучли чақмоқ-момақалдироқли булутлар туриб қолган ва улардан кучли жала-ёмғир ёғган.
Маълумотларга кўра, 28 март соат 08:00 дан 29 март соат 08:00 оралиғида Навоий шаҳрига 50 миллиметр, Сентоб-Нурота метеорологик станциясида 50 миллиметр, Хатирчи туманида 54 миллиметр, Пайариқ туманида 34 миллиметр, Каттақўрғон туманида 36 миллиметр, Бухоро шаҳрида 22 миллиметр ва Ромитанда 25 миллиметр ёмғир ёғган.
«Метеорологияда сутка давомида 30 миллиметр ва ундан кўп миқдорда ёмғир ёғиши ўта хавфли гидрометеорологик ҳодиса ҳисобланиб, табиийки, бу қиймат ўзи билан турли табиий офатларни келтириб чиқариши исботланган», — дейилади хабарда.
Таъкидланишича, 28 март куни Навоий вилояти Хатирчи туманида жуда кўп миқдорда ёмғир ёғган. Хусусан, Хатирчида бир кеча кундузда 1 гектар майдонга 540 тонна сув тушган.
Мавзуга доир:
Изоҳ (0)