Ҳамиша ёш кўринадиган Болливуд актрисалари (фото)

Болливуд ўзининг фильмлари билан бирга сира қаримайдиган актёр ва актрисаларга ҳам бой. Айниқса, ҳинд аёллари абадий гўзаллик ва ёшлик сирини билади. Шунинг учун ҳам уларнинг ёшини ҳатто тахмин ҳам қилиб бўлмайди.

Айшвария Рай

Такрорланмас кўз ранги билан нафақат Болливудни, балки бутун дунё томошабинларини ўзига ром этган актриса. У ҳақли равишда дунёдаги энг гўзал аёл унвонига эга. Актриса ҳозирда 47 ёшда, лекин у ўз тенгдошларига қараганда анча ёш кўринади. Айшаврия Абҳишек Баччан билан оила қургач, 37 ёшида қизини дунёга келтирган.

Рани Мукержи

Ҳиндистоннинг яна бир юлдузи − Рани «Болливуднинг энг яхши ўнта юлдузи» рўйхатида уч маротаба юқори ўринни эгаллаган. «Болливуднинг ўнта буюк исми»нинг бешталигига кирган. Кўпчиликнинг фикрига кўра, у «Вир ва Зара» фильмидаги ёқимтой қизлигича қолган. Аммо унинг ёши айни дамда 43 да.

Карина Капур

2010 йилда People журнали Каринани Ҳиндистондаги энг гўзал аёл деб топган эди. Шунингдек, ўтган йиллар мобайнида актриса ўз фамилияси учун меҳнат қилди ва энг кўп гонорар олувчи юлдузлардан бирига айланди. Карина ҳозирда 40 ёшда. У ҳали ҳам аввалгидек ёш ва гўзал кўринишини сақлаб қолган. Актрисанинг гўзаллик сири оддий: у парҳезни эмас, тўғри овқатланишни йўлга қўйган. Пляжда сайр қилишни яхши кўради ва оддий нарсалардан ҳам завқ олиш муҳимлигини таъкидлайди.

Приянка Чопра 

Турмуш ўртоғи Ник Жонасдан 10 ёшга катта актрисада аслида ҳеч қандай ўзгариш бўлмаган. У 2021 йилнинг ёзида 39 ёшини қарши олса-да, худди 17 ёшдаги кўринишни сақлаб қолган.

 Ҳема Малини

Зита ва Гита образлари туфайли машҳур бўлган актрисанинг кўзлари ҳамон ўша-ўша. Умуман олганда, унинг ҳисобида 158 та фильм бор. Актриса ҳозирда ҳам ўз фаолиятини давом эттирмоқда, гарчи у 72 ёшини қарши олган бўлса ҳам.

Падма Лакшми

Лакшми Америкада таниқли телебошловчи, аммо у аввал моделлик билан ҳам шуғулланган. Лакшми Париж, Милан, Нью-Йоркда карьерасини шакллантирган биринчи ҳинд модели. Шундан сўнг режиссёрлар назарига тушган модель Болливуд актрисасига ҳам айланди. Унинг 50 ёшга тўлганига шубҳа қилиш мумкин, чунки чиндан ҳам ёш кўринади.