Bollivud o‘zining filmlari bilan birga sira qarimaydigan aktyor va aktrisalarga ham boy. Ayniqsa, hind ayollari abadiy go‘zallik va yoshlik sirini biladi. Shuning uchun ham ularning yoshini hatto taxmin ham qilib bo‘lmaydi.
Ayshvariya Ray
Takrorlanmas ko‘z rangi bilan nafaqat Bollivudni, balki butun dunyo tomoshabinlarini o‘ziga rom etgan aktrisa. U haqli ravishda dunyodagi eng go‘zal ayol unvoniga ega. Aktrisa hozirda 47 yoshda, lekin u o‘z tengdoshlariga qaraganda ancha yosh ko‘rinadi. Ayshavriya Abhishek Bachchan bilan oila qurgach, 37 yoshida qizini dunyoga keltirgan.
Rani Mukerji
Hindistonning yana bir yulduzi − Rani “Bollivudning eng yaxshi o‘nta yulduzi” ro‘yxatida uch marotaba yuqori o‘rinni egallagan. “Bollivudning o‘nta buyuk ismi”ning beshtaligiga kirgan. Ko‘pchilikning fikriga ko‘ra, u “Vir va Zara” filmidagi yoqimtoy qizligicha qolgan. Ammo uning yoshi ayni damda 43 da.
Karina Kapur
2010-yilda People jurnali Karinani Hindistondagi eng go‘zal ayol deb topgan edi. Shuningdek, o‘tgan yillar mobaynida aktrisa o‘z familiyasi uchun mehnat qildi va eng ko‘p gonorar oluvchi yulduzlardan biriga aylandi. Karina hozirda 40 yoshda. U hali ham avvalgidek yosh va go‘zal ko‘rinishini saqlab qolgan. Aktrisaning go‘zallik siri oddiy: u parhezni emas, to‘g‘ri ovqatlanishni yo‘lga qo‘ygan. Plyajda sayr qilishni yaxshi ko‘radi va oddiy narsalardan ham zavq olish muhimligini ta’kidlaydi.
Priyanka Chopra
Turmush o‘rtog‘i Nik Jonasdan 10 yoshga katta aktrisada aslida hech qanday o‘zgarish bo‘lmagan. U 2021-yilning yozida 39 yoshini qarshi olsa-da, xuddi 17 yoshdagi ko‘rinishni saqlab qolgan.
Hema Malini
Zita va Gita obrazlari tufayli mashhur bo‘lgan aktrisaning ko‘zlari hamon o‘sha-o‘sha. Umuman olganda, uning hisobida 158 ta film bor. Aktrisa hozirda ham o‘z faoliyatini davom ettirmoqda, garchi u 72 yoshini qarshi olgan bo‘lsa ham.
Padma Lakshmi
Lakshmi Amerikada taniqli teleboshlovchi, ammo u avval modellik bilan ham shug‘ullangan. Lakshmi Parij, Milan, Nyu-Yorkda karyerasini shakllantirgan birinchi hind modeli. Shundan so‘ng rejissorlar nazariga tushgan model Bollivud aktrisasiga ham aylandi. Uning 50 yoshga to‘lganiga shubha qilish mumkin, chunki chindan ham yosh ko‘rinadi.
Izoh (0)