Президент Шавкат Мирзиёев раислигида 25 март, чоршанба куни ўтказилган видеоселектор йиғилишида давлат раҳбари эндиликда бюджет маблағи талон-торож бўлса, мутасаддилар қаторида прокурорлар ҳам жавобгар бўлишини қайд этди, дея хабар бермоқда «Дарё» мухбири.
«Очилбой Раматов вилоят ҳокимлари билан бирга 10 кун муддатда дастурга киритилган барча қишлоқ ва маҳаллаларда қурилиш ишларини бошлаши зарур.
Умуман олганда, Очилбой Раматов ва Жамшид Қўчқоров бу борадаги ишларни 11 триллион сўмлик ипотека дастурлари ижросини таъминлаш билан бирга ташкил этиб, жами 30 триллион сўмлик лойиҳаларни якунига етказишга шахсан жавоб беради: Раматов сифатига, Қўчқоров пулига. Энди ‘ўғирлаб кетди’ деган гап кетмайди.
Сектор раҳбарлари белгиланган чора-тадбирлар ижросини ташкил этиб, ягона онлайн тизимга маълумотларни кунлик киритиб боради ва ҳар ойда ишлар аҳволи бўйича маҳаллий кенгашларда ҳамда оммавий ахборот воситалари орқали аҳолига ҳисобот беради», — деди давлат раҳбари.
Йиғилишда бош прокурор ўринбосари Акмалхўжа Мавлонов бундан буён республика ва маҳаллий бюджетдан ажратилаётган жуда катта маблағларни манзилли, талон-торож қилмасдан, ҳар бир сўм қандай самарали ишлатилишини прокуратура тизими, туман ва шаҳарлар прокурорларининг ёрдамчилари томонидан қандай назорат қилинишини тушунтириб берди.
«Мени бир савол қийнайди: нега шунча чора-тадбирларга қарамай, ўғриликлар, бюджет маблағларини талон-торож қилиш камаймаяпти? Энди бюджет маблағи талон-торож бўлса, мутасаддилар қаторида прокурорлар ҳам жавобгар бўлади», — деди Президент.
Мавзуга доир:
Изоҳ (0)