Айрилиқдан кейин ҳам ўз муносабатларига яна бир маротаба имконият берган юлдузлар қароридан мамнун. Улар яна бахтли ҳаёт кечирмоқда.
Кэти Перри ва Орландо Блум
Америкалик қўшиқчи ва британиялик актёр 2016 йил «Олтин глобус» мукофотининг тақдирлаш маросимида учрашган. Улар матбуотга бу ҳақда билдиришни истамаган бўлса-да, муносабатлар анча жиддий эди. Аммо орадан бир йил ўтиб, Кети ажрим ҳақида маълум қилган. Бунга Блумнинг бошқасига нисбатан муҳаббати сабаб бўлган. Лекин нима бўлганда ҳам 2019 йил қўшиқчи Блумни кечиришга куч топа олди. Улар турмуш қуриб, 2020 йил қиз фарзанд кўрди.
«Менинг тароналарим нималарни бошдан кечирганимизни баён қилади. Муносабатларда муаммолар ҳали ҳам мавжуд. Ва бу мутлақо нормалдир. Чунки барча жуфтлик ҳам бунга дуч келади. Биз эндиликда ҳар қандай қийинчиликка табассум қиламиз, чунки биз синовлардан ўтиб бўлдик», − дейди Кэти.
Жессика Бил ва Жастин Тимберлейк
Юлдузлар илк маротаба 2007 йилда учрашган. Ўша вақтда Жессика Крис Эванс билан эндигина муносабатларини узган, аммо Жастин ҳали ҳам Кемерон Диаз билан яқин эди. Орадан 6 ой ўтиб, улар ўзини жуфтлик деб эълон қилган ҳамда жамоат жойларида биргаликда кўриниш берди. Аммо 2010 йил улар ажрашишга қарор қилди. Бир йиллик айрилиқ уларнинг муҳаббатини сўндира олмаслигини англаган кўринади, 2012 йил жуфтлик яширин тарзда тўй қилган. Ҳозирда уларнинг икки нафар ўғли бор.
«Биз садоқат ва ҳалолликка ишонамиз, шунингдек, завқланишни ҳам яхши кўрамиз. Бизнинг ўхшаш жиҳатларимиз бор, масалан, карьерани қадрлаймиз», − дейди Жессика.
Роуз Лесли ва Кит Харингтон
«Тахтлар ўйини» сериали юлдузлари 2012 йил суратга олиш майдончасида учрашган. Уларнинг орасидаги муносабатларни пайқаган мухлислар тез орада тўй бўлишини тахмин қилган эди. Аммо бир неча ойдан сўнг жуфтлик «муросасиз келишмовчиликлар» туфайли ажралишини эълон қилди. Шунингдек, уларнинг ажрими ҳам узоққа чўзилмади. Кўп ўтмай Рози ва Кит муносабатларни давом эттириш кераклигини англади. 2018 йил жуфтлик оила қурган ва 2021 йил февраль ойида Лесли исмли меросхўр дунёга келди.
Жижи Хадид ва Зейн Малик
Америкалик модель мусиқачи билан 2015 йилда танишган. Уларнинг ҳаёти худди фильмга ўхшайди. Чунки улар аввал айрилган. 2016 йилда Зейн Хадидга турмуш қуриш таклифини билдирган. Икки йил ўтиб, яна уларнинг ажрими шов-шув бўлган. Аммо 2019 йилда жуфтлик яна биргаликда кўриниш бера бошлаган. 2020 йил сентябрь ойида улар қиз фарзандлик бўлди.
Кэтрин Зета-Жонс ва Майкл Дуглас
Кетрин ва Майкл Голливуднинг энг гўзал жуфтликларидан бири ҳисобланади. Орадаги 25 ёш фарққа қарамай, улар муҳаббатнинг бор эканини бир неча бор исботлади. Жуфтлик биргаликда Майклнинг саратон касаллигини, собиқ рафиқасининг суд жараёнини, ўғли билан боғлиқ муаммоларни ҳам бошдан ўтказди. Аммо 2013 йилда алоҳида яшашга қарор қилинди. Бунга Кетриндаги руҳий тушкунлик сабаб бўлган эди. Аммо орадан 4 ой ўтиб, барчаси изига тушди. Жуфтликнинг би нафар ўғли ва қизи бор.
Изоҳ (0)