Дўстлар инсонни инфаркт ва коронавирусдан қандай ҳимоя қила олади?

Дўст нафақат зерикиш, ёлғизлик ва ҳаётдаги муаммолардан халос қилади, балки атрофда яқинлар қанча кўп бўлса, узоқ умр кўриш имконияти ортиб, шифокор билан кўришиш эҳтимоли камаяди. Барча ҳам кексаликка қадар саломатликни асрашни хоҳлайди. Бунинг учун, албатта, спорт билан шуғулланиш, тўғри овқатланиш, ўз вақтида тиббий кўрикдан ўтиш ҳамда чин дўстлар орттириш керак. Шундагина улар ёрдамида бир қанча касалликлардан халос бўлиш мумкин.

Ортиқча вазн

Ёш ўтган сайин ортиқча вазн энг жиддий муаммолардан бирига айланади. Уни назорат қилиш қанчалар муҳим бўлса, шу билан бирга, қийин ҳамдир. Хўш, ортиқча вазндан қутилиш учун нима қилиш мумкин? Бунинг энг самарали усули – яқинлар билан тез-тез мулоқот қилиш ва фаол вақт ўтказишдир. Бу орқали семириб кетиш эҳтимоли шунча пасаяди. Чунки ёлғиз инсонгина стресс ва депрессияга тушади. Шунингдек кўпроқ яқинлар даврасида соғлом овқатлар истеъмол қилинади.

Юрак касалликлари

Швециялик тадқиқотчиларнинг фикрига кўра, ёлғиз турмуш тарзини олиб борадиган одамларда юрак хуружидан вафот этиш эҳтимоли икки баравар юқори. Фаол мулоқот эса юракнинг яхши ишлашига ёрдам беради ва организмда қон тезроқ айланади. Севимли дўстлар даврасидаги суҳбат эса янада кайфиятни кўтариб, организм учун фойда келтиради. Фақатгина спиртли ичимликлардан мустасно ҳолатда.

Альцгеймер касаллиги

Ёшларга қараганда қариялар фаол мулоқотга кўпроқ муҳтож бўлади. Тадқиқотчиларнинг таъкидлашича, дўстлар билан мулоқот қилиш ёш билан боғлиқ деменсия хавфини икки бараварга камайтиради. Шунингдек, дўстлар билан айнан учрашиш шарт эмас. Бунинг учун ижтимоий тармоқлардаги алоқа ҳам фойда беради.

Шамоллаш ва грипп

Иммунитет тизими заифлашувининг сабабларидан бири – бу стресс, мулоқотсизлик ва ёлғизлик туйғусидир. Яқинлар билан суҳбат эса стрессни минималлаштиришга ёки бартараф этишга ёрдам беради. Пандемия вақтида ўзини ўзи яккалаш ҳолатида инсонлар Zoom орқали яқинлар билан суҳбат қуриб, хавфли касалликдан ҳимояланди.

Зарарли одат ҳамда қарамлик

Ҳар қандай қийин вазифа ҳам компания ва ундаги ҳамкасблар билан бирга амалга оширилади. Ёмон одатларга қарши курашиш ҳам бундан истисно эмас. Чекишни ташлай олмайдиганлар иложи борича ушбу ёмон одатга берилмаган гуруҳ даврасида бўлиши керак. Шунда кашандаликни ташлаш осон кечади. Спорт билан шуғулланиш, тўғри овқатланиш, фаол ҳаёт тарзи – буларнинг барчасини амалга ошириш учун ушбу принциплар асосида ҳаёт кечирувчи инсонлар билан дўст тутиниш керак. Улар билан биргаликда барчасини бажариш жуда осон.