Bugun,

  • USD 11095.31
  • RUB 173.84
  • EUR 10772.44

Annals of Internal Medicine nashrida e’lon qilingan ma’lumotlarga qaraganda, tarkibida omega-3 yog‘ kislotasi bisyor bo‘lgan mahsulotlarni iste’mol qilish yurak-qon tomir kasalliklarining rivojlanish xavfini kamaytiradi. Maqola mualliflari 16 yil davomida deyarli 3 mingga yaqin ko‘ngilli ishtirokchini kuzatgan va omega-3 ga boy bo‘lgan mahsulotlarni muntazam ravishda iste’mol qilgan kishilarda yurak kasalliklari sabab kelib chiqishi mumkin bo‘lgan o‘lim xavfi 35 foizga kamayganini aniqlagan.

Foto: Freepik

Foto: Freepik

Zig‘ir yog‘ va doni

Pishiriqlar va yogurtga qo‘shish mumkin bo‘lgan zig‘ir donining bir qoshig‘ida 2300 mg omega-3 yog‘ kislotasi mujassam bo‘ladi. Yog‘i esa salat uchun ayni muddao hisoblanadi. Uning bir qoshig‘ida deyarli 5 kunlik me’yor mujassam. Ammo zig‘ir yog‘ini qovurish emas sovuq taomlar uchun ishlatish kerak.

Yovvoyi guruch

Shimoliy Amerikada o‘sadigan yovvoyi o‘simlik doni omega-3 yog‘ kislotasidan tashqari kletchatka va B guruhi vitaminlari, marganets, kaliy, fosfor, shuningdek, magniyning koni sanaladi. Ushbu guruchning 100 grammida atigi 100 kaloriya bo‘ladi.

Tuxum

Parhezshunoslar yurak-qon tomir kasalligidan aziyat chekadigan insonlar ratsionidan tuxum o‘rin olishi kerakligini ta’kidlaydi. Tarkibida oqsil ko‘p bo‘lgani sabab ham ushbu mahsulot qorinni to‘q tutadi va buning hisobiga vazn tez to‘planmaydi. D vitamini va omega-3 bisyor bo‘lgan tuxum bilan tongni qarshi olish tavsiya qilinadi.

Soya dukkaklari

Vegetarian parheziga amal qilayotganlar uchun ayni muddao bo‘lgan ushbu mahsulotning 1 porsiyasida 280 mg omega-3 yog‘ kislotasi, shuningdek, oqsil va kletchatka mujassam bo‘ladi.

Yong‘oq

Bir hovuch yong‘oq omega-3 yog‘ kislotasining ikki kunlik me’yori sanaladi. Uni salatlar, pishiriqlarga qo‘shish yoki shunchaki o‘zini yeyish kerak.

Sut mahsulotlari

Kalsiy, D vitamin, qolaversa, omega-3 yog‘ kislotalariga boy bo‘lgani sabab ham yog‘li sut mahsulotlarini iste’molini kanda qilmaslik kerak. Baliq yoki dengiz mahsulotlarini yeya olmaydiganlarga shunchaki bir stakan vitaminlarning koni bo‘lgan sut ichish tavsiya qilinadi.

Izoh
Asosiy yangiliklar
Dunyo
Oxirgi 100 yil ichida sodir bo‘lgan dunyodagi eng kuchli 10 ta zilzila (video+foto)
Dunyo
Polsha bosh vaziri Ukrainadagi urush uchinchi jahon urushiga aylanishini prognoz qildi
Mahalliy
O‘zbekistonda dollar kursi yana oshdi