18 март куни Иккинчи жаҳон уруши фахрийси Висконсиндаги Waterford Union мактаби дипломини олди. 77 йил олдин у армияда хизмат қилиш мақсадида ўқишни ташлашга мажбур бўлган, деб ёзади Esquire.
96 ёшли Раймонд Шефер Расин округидаги қишлоқ хўжалиги мактабини 1940 йилларда ташлаб кетишга мажбур бўлган, 1959 йилда эса мактаб ёпилган. Кейинроқ у Иккинчи жаҳон урушида қатнашишга отланган.
Урушдан омон қайтган Раймонд ўнлаб йиллар давомида ускуналар ишлаб чиқариш заводида ишлаган. Шефернинг дўстларини сўзларига кўра, у ўқишни ташлаб кетганидан афсусланган. « ‘Мактаб дипломим бўлишини хоҳлардим, лекин мен жуда аҳмоқман’, дерди. Аммо аслида бундан эмас. Ахир у оиласига ёрдам бериш учун мактабни ташлаб кетди-ку», — дейди оиланинг яқини Синтия Беннетт.
Беннетт ва фахрийнинг бошқа дўстлари мактаб раҳбарияти билан Шеферни битирувчи деб тан олиш бўйича келишишга муваффақ бўлган.
Шефер учун кутилмаган маросим ташкил этилиб, унга фахрий диплом ва эсдалик медалёни, шунингдек, анъанавий мантия ва шапка топширилган. Маросимга уруш фахрийсининг дўстлари, оила аъзолари, талабалар ва оркестр жамоаси келган.
«Раймонд нафақат ўз мамлакати, балки бутун дунё учун хизмат қилди», — дейди маросимда чиқиш қилган мактаб директори Дэн Фостер.
Шефернинг сўзларига кўра, у «буни жуда узоқ кутган» ва бу учун «жуда-жуда муҳим».
Изоҳ (0)