Кельвин лақабли мушукнинг эгаси Жессика ўзининг уй ҳайвони ҳар куни қаерга кетиб қолаётганини кунларнинг бирида мушук бўйинбоғида хат билан келганидан сўнг тушуниб етди, деб хабар беради Esquire.
«Салом! Янги ҳаворанг бўйинбоғимда жуда яхши кўринаман — ҳақиқий айғир! Исмим нима? Ҳар куни ташриф буюрадиган хоним, менинг исмим Жорж», — дейилади хатда.
Жессика бунга жавобан «мексикалик-мушук»нинг ҳақиқий лақаби ёзилган хатни юборган, шунингдек, уни Бабблс деб чақиришса ҳам етиб келишини айтган. Маълум бўлишича, Кельвин ҳар куни Феликс лақабли қора мушукнинг олдига борган, унинг эгасини исми эса Робин.
Кельвиннинг эгаси мушукни уйга ўргатишга уринади, шу сабабли у кўчага чиқмаган пайтлари дераза олдида Феликсни кутади. Уйдан қочиб чиқишга муваффақ бўлганида эса қўшни Жессикага қўнғироқ қилиб, мушугини олиб кетишини сўрайди.
Жессика Кельвин зерикмаслиги учун Приэто лақабли яна бир қора мушукни уйга олиб келган. Суратлардан кўриш мумкинки, улар дўстлашиб олишга улгурган.
Аввалроқ Англияда почталён мушук ўз эгаларига карантин мазмунли ўтишини таъминлагани — у қўшниларни дўстлаштириб қўйиб, турли тавсия ва рецептларни ташигани тўғрисида хабар берилганди.
Изоҳ (0)