Ўзбекистон Президентининг тегишли фармони билан полковник Шуҳрат Холмуҳаммедовга генерал майор ҳарбий унвони берилди. Шунингдек, Шуҳрат Холмуҳаммедов Ўзбекистон мудофаа вазирининг биринчи ўринбосари — Қуролли Кучлар Бош штаби бошлиғи лавозимига тайинланди. Бу ҳақда вазирлик «Дарё»га хабар қилди.
Тайинловга қадар Шуҳрат Ғайратжонович Холмуҳаммедов мудофаа вазирининг ўринбосари, Ўзбекистон Президенти ҳузуридаги Хавфсизлик кенгаши котибининг ўринбосари, фавқулодда вазиятлар вазирининг ўринбосари каби лавозимларда фаолият юритган. 2016 йилда «Содиқ хизматлари учун» медали билан тақдирланган.
Ўзбекистон Президентининг тегишли фармони билан полковник Шавкат Мамажонов Қуролли Кучлар академияси бошлиғи лавозимига тайинланди.
Бундан аввал инвестициялар ва ташқи савдо вазирига янги ўринбосар, Паркент туманига янги ҳоким ҳамда Ички ишлар вазирлиги Молия ва моддий-техника таъминоти департаментига янги раҳбар тайинлангани ҳақида хабар берилганди.
Изоҳ (0)