2020 йилнинг апрелида америкалик ҳип-ҳоп қўшиқчи Канье Уэст Forbes экспертлари томонидан миллиардер деб тан олинган эди. Bloomberg молиявий таҳлилчиларининг ҳисоб-китобларига кўра, унинг бойлиги 6 миллиард долларга етган.
Уэстга бойлигининг асосий қисмини Yeezy кийим-кечак бренди олиб келган бўлиб, Швейцариянинг UBS Group АG уни 3,2-4,7 миллиард атрофида баҳолаган. Банк рэпернинг Gap билан янги битимини (Gap Yeezy линейкасини июлда тақдим этиш режалаштирилган) эса 970 миллион долларга баҳоламоқда.
Шунингдек, мусиқачининг инвестицияси унга 122 миллион доллар олиб келган (нақд ва акциялар) ва 110 миллион долларни у мусиқий композицияларидаги муаллифлик ҳуқуқи орқали олган.
Gap компанияси (АҚШдаги кийим-кечак савдоси бўйича энг йирик брендлардан бири) Gap Yeezy савдолари биринчи йилда 150 миллион доллардан ошишига умид қилмоқда. Шунингдек, саккиз йил ичида Gap Yeezy миллиард доллар даромад кўрадиган брендга айланади, 2023 йилга бориб унинг савдолари 1 миллиард доллардан ошади.
Эслатиб ўтамиз, бундан беш йил олдин, 2016 йилнинг февралида Уэст қарзлари 53 миллион долларга етганини оммага эълон қилиб, Facebook асосчиси Марк Цукербергдан 1 миллиард долларли инвестиция сўраган эди. Мусиқачи буни саккизинчи альбоми — Life of Pablo тақдим этилишидан олдин амалга оширган, шундан сўнг, альбом Billboard чатида биринчи ўринни эгаллаган ва етти маротаба «Грэмми» мукофотини қўлга киритган.