Тошкент вилояти тоғлари, хусусан, Чимён тоғ ҳавзасида 2021 йилда охирги 40 йилликда энг кўп ҳажмда қор кўчкилари кузатилган тўртинчи қиш мавсуми бўлган. Бу ҳақда Чимён қор кўчки станцияси мутахассиси Алберт Попов ўзининг Facebook’даги саҳифаси орқали маълум қилди.
Поповнинг ёзишича, 2021 йил февраль ойидаги кескин исиш ва кескин совиш каби иқлим аномалиялари ортидан Чимён тоғликларида жуда кўп миқдорда бир нечта қор кўчкилари содир бўлган. Кўчкиларнинг умумий ҳажми 1 миллион метр кубдан зиёд.
Мавсум давомида кузатилган қор кўчкиларининг умумий ҳажми кўп йиллик ўртача меъёрдан 1,8 мартага кўп қайд этилган.
«Барчасига ноябрь ойида содир бўлган совуқ айбдор. Олдинда баҳорнинг яна 1,5 ойи турибди ва, албатта, кўчкиларнинг умумий ҳажми яна ортади», — деб ёзади мутахассис.
Қор кўчкилари натижасида ҳозирча қанча зарарланиш бўлганлиги айтилмаган.
Аввалроқ Бўстонлиқдаги «Амирсой» тоғ-чанғи курорти 12 мартагача ёпилиши тўғрисида хабар берилганди. Бунга йўл қатнов қисмида кўчкининг олдини олиш мақсадида курортга олиб борадиган кириш йўлида таъмирлаш ишлари сабаб бўлган.
Изоҳ (0)