Ўзбекистон ҳудудига 19 март куни Каспий денгизи орқали Кавказ ҳудудлари устида шаклланган нам ва деярли салқин ҳаво массалари кириб келиши бошланди, деб хабар бермоқда «Ўзгидромет». Шимолий ҳудудларда бироз ёмғир ёғди, Бухоро, Навоий вилоятларида кун давомида бироз ёмғир ёғиши мумкин.
Республиканинг қолган ҳудудларида кун давомида қуруқ ва жуда илиқ об-ҳаво бўлиши кутилмоқда. Кунинг ўртасига келиб ҳаво 20-25 даража илиққача исийди. Фақат кечга томон баъзи жойларда ёмғир бошланади, момақалдироқ бўлиши мумкин. Республикада шамол тезлиги 17-22 метр/секундгача, айрим жойларда эса 23-28 метр/секундгача кучайиши кутилмоқда.
20 март куни ҳаво массаларининг кириб келиши Ўзбекистоннинг барча ҳудудларига тарқалади. Кўпчилик туманларда вақти-вақти билан ёмғир ёғади, баъзи жойларда кучли бўлади. Фақат Қорақалпоғистонда, Хоразм вилоятида ва Фарғона водийсида ёғингарчилик кутилмайди. Ҳарорат 10-15 даража илиққача пасаяди. Баъзи жойларда шамол 17-22 метр/секундгача кучаяди.
21 март куни Фарғона водийси вилоятларида момақалдироқ билан ёмғир ёғади. Республиканинг қолган ҳудудларида ёғингарчиликсиз об-ҳаво бўлиши кутилмоқда, фақат Қорақалпоғистонда, Хоразм вилоятида баъзи жойларда бироз ёмғир ёғиши мумкин. Тошкент вилоятида эса ёмғир фақат кечаси ва эрталаб ёғиши мумкин.
22 март куни республиканинг барча ҳудудларида (шимолий ҳудудлардан ташқари) ҳаво илиқ ва қуруқ бўлади.
Ҳаво ҳарорати 21—22 март кунлари 15-20 даража илиққача кўтарилади.
Изоҳ (0)