2021-yilning dastlabki eng kuchli smartfonlari nomi e’lon qilindi

AnTuTu benchmarki 2021-yilning fevral oyi yakunlari bo‘yicha eng kuchli Android smartfonlar reytingni e’lon qildi, deb xabar beradi Hi-Tech.Mail.ru. So‘nggi uch oy ichida Snapdragon 888 protsessorida ishlaydigan dastlabki smartfonlar chiqdi, shu sababli ro‘yxat o‘tgan yilning oxiridagi reytingdan ancha farq qilgan.

Reytingning birinchi pog‘onasidan Vivo kompaniyasining iQOO 7 smartfoni o‘rin olgan — u rekord darajadagi 727 ming ballni to‘plagan. Qolgan o‘rinlar nafaqat Snapdragon 888’da ishlaydigan smartfonlarga, balki boshqa chipli modellarga ham nasib etgan — Huawei va Samsung’ning yangi flagmanlari.

• iQOO 7 (Snapdragon 888) — 727 ming ball;
• Xiaomi Mi 11 (Snapdragon 888) — 708 ming ball;
• Samsung Galaxy S21 Ultra (Snapdragon 888) — 680 ming ball;
• Huawei Mate 40 Pro (Kirin 9000) — 654 ming ball;
• Samsung Galaxy S21+ (Exynos 2100) — 646 ming ball;
• Samsung Galaxy S21 Ultra (Exynos 2100) — 638 ming ball;
• Asus ROG Phone 3 (Snapdragon 865+) — 630 ming ball;
• OPPO Find X2 Pro (Snapdragon 865) — 610 ming ball;
• Samsung Galaxy S21 (Exynos 2100) — 601 ming ball;
• OnePlus 8 Pro (Snapdragon 865) — 596 ming ball.

Ro‘yxatdan ko‘rish mumkinki, bir xil chipga ega smartfonlarning natijalari turlicha. Gap shundaki, AnTuTu nafaqat protsessor va grafikning ishchaligini, balki qolgan qismlarining ham xususiyatini hisobga oladi. Shu sababli natijalarga tezkor va ichki xotira tezligi, shuningdek, optimizatsiya va energiyani tejash sozlamalari ta’sir ko‘rsatadi. “Benchmarkdagi ishlash samaradorligi yuqori bo‘lgan natijalar smartfon barqaror va qotmasdan ishlashini kafolatlamaydi. Ushbu testlar ma’lum bir hisoblashlar orqali qurilma quvvatini tekshiradi xolos”, — deyiladi xabarda.

Mavzuga doir: Android’da ishlaydigan eng samarador o‘rtacha narxdagi smartfonlar reytingni e’lon qilindi