Навоий вилояти Навбаҳор туманида ўта маст ҳолатдаги пиёдани Nexia русумли автомобиль уриб кетди, дея хабар бермоқда ЙҲХББ.
Маълум қилинишича, 2021 йил 15 март куни соат 20:30 ларда Навбаҳор тумани ҳудудидан ўтган давлат аҳамиятига эга 4Р-63 автомобиль йўлининг 86-километрида ўта маст ҳолатда ҳаракатланиб кетаётган 50 ёшли фуқаро тўсатдан йўлнинг белгиланмаган жойидан кесиб ўтганда, 26 ёшли ҳайдовчи бошқарувидаги Nexia автомобили пиёдани уриб юбориб, йўл-транспорт ҳодисаси содир этган.
Оқибатда пиёда ҳодиса жойида вафот этган.
ЙТҲ сабаблари ўрганилганда йўлга тунги ёритиш чироқлари ўрнатилмагани аниқланган.
Мазкур ҳолат юзасидан туман ИИБ тергов бўлими томонидан Жиноят кодексининг 266-моддаси 2-қисми (одам ўлимига сабаб бўлган транспорт бошқариш қоидаларини бузиш) билан жиноят иши қўзғатилиб, тергов ҳаракатлари олиб борилмоқда.
Бундан аввал Сурхондарёда 22 ёшли йигит отасига тегишли машинада ЙТҲга учраб, ҳалок бўлгани, мазкур вилоятда ва Самарқандда содир бўлган ЙТҲлар оқибатида 4 киши ҳалок бўлгани ҳамда Жиззахда меъёридан 2 баробар кўп юк ортган Isuzu ўзидан олдинги транспортни уриб, уни ағдариб юборгани ҳақида хабар берилганди.
Изоҳ (0)