Сурхондарё вилояти Сариосиё туманида 22 ёшли йигит автомашинада ЙТҲга учраб, ҳалок бўлди, дея хабар бермоқда ЙҲХББ.
Маълум қилинишча, ЙТҲ 2021 йил 13 март куни 22:30 атрофида «Нилоба» маҳалласи ҳудудидан ўтувчи М-41 автомобиль йўлининг 1 456-километрида юз берган. Суриштирув давомида автоҳалокатни туманнинг «Турмушобод» маҳалласида яшовчи 22 ёшли йигит содир этган.
Йигит отасига тегишли бўлган LADA Granta машинасида ҳаракатланиб келаётиб, бошқарувни йўқотган ва йўлнинг ўнг четидаги ариқдан ўтиб кетган. Шундан сўнг машина дарахтга урилиб, йигит воқеа жойида ҳалок бўлган.
Аниқланишича, ҳалокатга машинанинг катта тезликда бошқарилгани ва шу кунда ёмғир ёғиб, об-ҳавонинг ёмонлиги сабаб бўлган. Бундан ташқари, йигит ҳайдовчилик гувоҳномасини олганига бир йил бўлгани сабабли ҳали машина бошқариш малакаси етарли бўлмаган.
Бундан аввал Сурхондарё ва Самарқандда содир бўлган ЙТҲлар оқибатида 4 киши ҳалок бўлгани, Жиззахда меъёридан 2 баробар кўп юк ортган Isuzu ўзидан олдинги транспортни уриб, уни ағдариб юборгани ҳамда Самарқандда Damas 10 ёшли болани уриб юборгани ҳақида хабар берилганди.
Изоҳ (0)