Францияда шу ҳафтадан организмдаги коронавирус бор-йўқлигини мустақил равишда аниқлаш учун тестлар сотила бошлайди. Бу ҳақда Франция Соғлиқни сақлаш бошқармаси директори Жером Саломонга таяниб «Korrespondent.net» хабар берди.
Унинг сўзларига кўра, тестларни дорихона ва супермаркетлардан сотиб олиш мумкин.
Саломоннинг таъкидлашича, тест натижалари ижобий чиққан одамларнинг ўзгалар билан алоқа занжирини кузатиб бориш энг асосий қийинчилик ҳисобланади.
Коронавирусга қарши тест топширувчилар натижалар ҳақида маълумот бериши керак, акс ҳолда салбий оқибатларга олиб келиши мумкин, деб қўшимча қилди бошқарма директори.
Маълумот учун, пандемия бошлангандан буён Францияда 4 миллиондан кўпроқ одамда коронавирус аниқланди, уларнинг 90 мингдан ортиғи вафот этди.
Франция 2020 йилнинг май ойидан бери мактабларни деярли ёпмади. Таълим муассасаларида қатъий санитар-эпидемиологик чоралар жорий қилинган. 25 февраль куни бош вазир Жан Кастекс француз ҳукуматининг шундай узоқ муддат давомида мактабларнинг кундузги фаолиятини тўхтатмай «яхши қарор» қабул қилганини таъкидлади. Хусусан, 31 январдан бошлаб Франция Европа Иттифоқига аъзо бўлмаган мамлакатлардан келувчилар учун мамлакатга киришни тақиқлади.
Аввалроқ Германияда март ойининг охиридан бошлаб вакцинация нафақат махсус эмлаш марказларида, балки хусусий тиббий клиникаларида амалга оширилиши ҳақида хабар берилди. Таъкидланишича, Германия ҳукумати аҳолини тезроқ эмлаш учун шундай қарорга келди.
Мавзуга доир:
- AstraZeneca вакцинаси атрофидаги шов-шув давом этмоқда, Париж касалхоналарида жой қолмади, Молдовада фавқулодда ҳолат эълон қилинади. Коронахабарлар
- Туркияда туризм ходимлари коронавирусга қарши навбатдан ташқари эмланмоқда
- Дунё бўйича бир ҳафта ичида коронавирус билан касалланиш ҳолатлари яна кўпайди
Изоҳ (0)