«Аватар» «Қасоскорлар»ни ортда қолдириб, яна тарихдаги энг кассабоп фильмга айланди. Картина Хитойда қайта намойиш этилган

Жеймс Кэмероннинг «Аватар» фильми яна тарихдаги энг кассабоп фильмга айланди, деб хабар беради Esquire.

12 март куни 2009 йилда катта экранларга чиққан «Аватар» Хитойда қайта намойиш этилган ва эртаси куни кечга бориб қарийб 9 миллион доллар ишлаб топган. Эндиликда картинанинг жаҳон бўйлаб прокатларда йиққан маблағи 2 миллиард 798 миллион 579 минг 794 долларни ташкил этмоқда.

Бунга қадар рекорд Marvel’нинг «Қасоскорлар: Финал» картинасига тегишли эди. 2019 йилда экранга чиққан суперқаҳрамонлар иштирокидаги фильм ҳозирга қадар дунё бўйлаб 2 миллиард 297 миллион 501 минг 328 доллар ишлаб топган.

2021 йилда «Аватар» Хитой прокатида дам олиш кунги рейтингнинг бошидан ўрин олган биринчи хориж фильмига айланди. Прокатчиларининг прогнозларига кўра, фильмнинг қайта релиси Disney’га 58 миллион долларга яқин маблағ олиб келиши мумкин.

«Аватар» продюсери Жон Ландау картинанинг янги рекорди тўғрисидаги хабарга изоҳ берган.

«Бу каби муҳим босқичга чиққанимиз билан фахрланамиз ва Жеймс Кэмерон билан шундай даврда кинотеатрларга қайтганидан жуда ҳаяжондамиз. Хитойлик мухлисларимиздан уларнинг қўллаб-қувватлови учун миннатдормиз. Кейинги фильмлар устида ғайрат билан ишлаяпмиз», — дейди у.

Ҳозирда Жеймс Кэмерон тўртта янги фильм устида иш олиб бормоқда, улар «Аватар» тарихининг давомига айланиши керак. «Аватар 2»нинг катта экранларга чиқиши 2022 йилнинг 16 декабрига мўлжалланган. «Аватар 3» эса 2024 йилда, «Аватар 4» — 2026 йилнинг декабрида, «Аватар 5» эса 2028 йилнинг декабрида чиқиши керак.