Netflix платформаси «Харобадан чиққан миллионер» фильмидаги роли орқали танилган актёр Дев Пателнинг режиссёр сифатида ишлаган илк фильмини намойиш этиш учун 30 миллион долларлик битимни имзолади, деб хабар беради «Film.ru».
Фильмни суратга олиш ишлари яқиндагина якунланган бўлиб, Пател унда бош ролни ижро этган. Картина «Маймун одам» номини олган.
Фильм сюжети марказида ёлғон айблов билан қамалиб, эндигина озодликка чиққан қаҳрамон ўрин олган. Эндиликда унинг асосий мақсади — бир неча йил олдин унинг барча нарсасини тортиб олган шахслардан қасос олиш.
Картинанинг қоралама вариантини кўрган айримларнинг сўзларига кўра, картинани «Мумбайлик Жон Уик» деб аташ мумкин. Пателнинг ўзи эса ҳиндларнинг Хануман — ярим одам, ярим маймун ҳақидаги қадимий афсоналаридан илҳомланган.
Шунингдек, фильмда «Район №9» орқали машҳурликка эришган Шарлто Копли ҳам суратга тушган. Тахминларга кўра, стриминг сервисда фильм релизи 2022 йилда пайдо бўлади.
Изоҳ (0)