Жамоат жойларида тиббий ниқобсиз юриш жаримага тортишга сабаб бўлади, қонунчиликда белгиланган жавобгарлик бекор бўлгани йўқ. Бу ҳақда АОКАда ўтказилган брифингда Адлия вазирлиги ахборот хизмати раҳбари Севара Ўринбоева маълум қилди.
«Маъмурий жавобгарик тўғрисидаги кодекснинг 54-моддасида эпидемияларга қарши кураш қоидаларини бузганлик учун жавобгарлик чоралари белгиланган. Ушбу моддага кўра, карантинли ва инсон учун хавфли бўлган бошқа юқумли касалликлар пайдо бўлиши ҳамда тарқалиши шароитида ваколатли органнинг махсус талабларига зид равишда жамоат жойларида ниқобсиз бўлиш — базавий ҳисоблаш миқдорининг 5 бараваригача (1 миллион 225 минг сўм) миқдорда жарима солишга сабаб бўлади», — дейди Севара Ўринбоева.
Аввалроқ Тошкентда «карантин талабларига риоя қилиш» назоратга олиниши, йўловчиларнинг ниқоб тақиши мажбурий этиб белгилангани тўғрисида хабар берилганди.
Мавзуга доир: «Кучсизланган коронавирус», «тугаган карантин» ва «бузилган макияж». Ўзбекистонликлар нега ниқоб тақмай қўйди?
Изоҳ (0)