Bugun,

  • USD 11095.31
  • RUB 173.84
  • EUR 10772.44

15-mart kuni Toshkent shahar hokimligida poytaxtga koronavirus infeksiyasini kirib kelishi va tarqalishining oldini olish bo‘yicha Toshkent shahar shtabi rahbari, Toshkent shahar hokimi Jahongir Ortiqxo‘jayev boshchiligida maxsus yig‘ilish bo‘lib o‘tdi.

Foto: “Daryo” / Madina Nurman

Foto: “Daryo” / Madina Nurman

Ma’lum qilinishicha, yig‘ilishda Toshkent shahrida koronavirus infeksiyasiga chalinish holatlari ortayotganligi yuzasidan Toshkent shahar Sog‘liqni saqlash bosh boshqarmasi hamda Sanitariya-epidemiologiya osoyishtalik va jamoat salomatligi xizmatining axboroti tinglangan.

Shuningdek, mavjud vaziyatni nazoratga olish, Toshkent shahrining barcha tumanlari, mahallalari, ish joylari va ta’lim maskanlari, bundan tashqari, aholi ko‘p to‘planadigan bozorlar va savdo markazlari, jamoat transportlarida amaldagi karantin tartib-qoidalariga to‘liq rioya qilinishini ta’minlash muhimligi alohida ta’kidlab o‘tilgan.

“Poytaxtimiz hududida koronavirus infeksiyasining keng tarqalishini oldini olish hamda amaldagi karantin talablari va sanitar-gigiyena tartib qoidalariga aholi tomonidan to‘liq rioya etilishini nazoratga olish bo‘yicha mas’ullarga topshiriq va ko‘rsatmalar berildi. Yig‘ilish yakunida shtabning tegishli qarori qabul qilindi”, — deyiladi xabarda.

“Toshshahartransxizmat” aksiyadorlik jamiyatining ma’lum qilishicha, Toshkent shahridagi jamoat transportlarida karantin qoidalari kuchaytiriladi.

Ta’kidlanishicha, so‘nggi kunlarda mamlakatda koronavirusga chalingan bemorlar soni ortib borayotgani sababli “Toshshahartransxizmat” AJ jamoat transportlarida bir qator cheklovlar joriy qilmoqda. Qayd etilishicha, haydovchilarning tana haroratlari doimiy nazoratga olinadi, dezinfeksiya ishlari yanada kuchaytiriladi. Shuningdek, endilikda niqobsiz yo‘lovchilar jamoat transportlariga chiqarilmaydi.

Izoh
Asosiy yangiliklar
Mahalliy
Nukus voqealari bo‘yicha sudlangan Polat Shamshetov tergov hibsxonasida vafot etdi
Dunyo
Turkiyada 7,4 magnitudali zilzila yuz berdi
Dunyo
Moskva metrosidagi eng yirik terakt, Olimpiada o‘yinlariga mezbonlik qilgan Gitler va 25 yoshida Britaniya taxtiga o‘tirgan Yelizaveta. Kun xronologiyasida 6-fevra...