«Милан» ҳужумчиси Златан Ибрагимович Швеция терма жамоасидан чақирув олди.
39 ёшли футболчи терма жамоанинг ЖЧ—2022 саралаши доирасида март ойидаги ўйинлари учун дастлабки қайдномадан ўрин олган, дея хабар қилмоқда Sky Sport Italia.
«Милан» ҳозирча футболчининг терма жамоага чақирилганини тасдиқламади. Вазият футболчи 28 февралда олган жароҳатидан қачон қутилишига ҳам боғлиқ.
Ибрагимович Швеция устози Янн Андерссон билан кескин муносабатда эди, бироқ улар ўртасидаги муаммо бартараф этилган. Аввалроқ Златан терма жамоага қайтишга тайёр эканини маълум қилганди.
Ибра 2001—2016 йиллар мобайнида Швеция терма жамоасида тўп сурган. У 116 ўйинда 62 та гол уришга муваффақ бўлган ва жамоанинг энг яхши тўпурари ҳисобланади.
Футболчи 2020/21 йилги мавсум А Серияда 14 ўйин ўтказиб, 14 та голга муаллиф бўлди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)