Мадриднинг «Реал» клуби ҳужумкор ярим ҳимоячиси Эден Азар яна жароҳат олди.
Мадридликлар матбуот хизматининг маълум қилишича, бельгиялик футболчи бел мушакларини шикастлаб олган. Клуб маълумотида футболчининг тикланишига қанча вақт кетиши айтилмаган.
Азар 2020/21 йилги мавсумда «Реал» сафида бор-йўғи 14 ўйин ўтказди, яна 21 та учрашувни эса жароҳат туфайли ўтказиб юборди.
Эслатиб ўтамиз, Азар узоқ муддатли тикланиш жараёнидан кейин сафга қайтган ва «Реал»нинг 13 март кунги «Элче»га қарши ўйинида захирадан майдонга тушганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)