Ijtimoiy tarmoqlarda Xorazm viloyatidagi Xonqa buyum bozorining tom qismi qulab tushgani to‘g‘risida xabarlar tarqaldi.
Viloyat Favqulodda vaziyatlar boshqarmasi matbuot xizmatining ma’lum qilishicha, haqiqatan ham, 14-mart kuni “Xonqa buyum savdo” MChJ (buyum bozori) binosi tom qismi belgilangan yuk ko‘tarmasidan oshiqroq yuklama oqibatida qulab tushgan.
Hodisa oqibatida jabrlanganlar yo‘q. Hozirda tuman favqulodda vaziyatlar bo‘limi va hamkor tashkilotlar tomonidan sodir bo‘lgan hodisa oqibatida yuzaga kelgan noqulayliklarni bartaraf etish jarayoni ketmoqda.
13-mart kuni Xorazm viloyati Xonqa tumani sudi binosining tomi kuchli shamol oqibatida qulab tushgandi. Sodir bo‘lgan voqea natijasida hech kim tan jarohati olmagan.
Avvalroq Xorazmga kuchli shamol va qor bo‘roni yopirilgani sabab viloyatdagi ko‘plab xonadonlar elektr energiyasisiz qolgani hamda kuchli shamol sabab Navoiydagi 3 ta tuman hududidan o‘tgan yo‘lning bir qismi transport vositalari harakati uchun vaqtincha yopilgani haqida xabar berilgandi.
Eslatib o‘tamiz, “O‘zgidromet” 13—14-mart kunlari O‘zbekistonda yomg‘ir va qor yog‘ishi, shamol tezligi kuchayishini ma’lum qilgandi.
Izoh (0)