Садир Жапаровнинг Тошкентга давлат ташрифи доирасида Ўзбекистон ва Қирғизистон ўртасида жами 22 та ҳужжат имзоланди. 11 март куни давлат раҳбарлари қўшма баёнот қабул қилди ва икки мамлакат вазирликлари ва ҳудудлари раҳбарлари имзоланган ҳужжатлар билан алмашди.
Қирғизистон соғлиқни сақлаш ва ижтимоий ривожланиш вазири Алимқодир Бейшеналиев ҳужжатларни алмашиш маросимида Ўзбекистон соғлиқни сақлаш вазири Абдуҳаким Хожибоевга қўл узатмагани сабабини айтди, деб ёзмоқда «Gazeta.uz» «AКИpress»га таяниб.
«Протоколга кўра, фақат шартномалар алмашиш лозим эди. Барча вазирлар қўл узатмади, афтидан, Ўзбекистон соғлиқни сақлаш вазири буни унутди. Ўз навбатида, мен мумкин эмаслигини айтдим ва қўл узатмадим», — деган у (видео).
«Gazeta.uz»нинг билдиришича, бошқа раҳбарлар ҳақиқатдан ҳам қўл сиқишувисиз фақат шартномалар алмашган.
Изоҳ (0)