Ижтимоий тармоқларда Сингапур менежментни ривожлантириш институти (СМРИ) ва Тошкент Халқаро Вестминстер университети талабалари катта жанжал уюштирган видео пайдо бўлди. Ҳодиса ўйин охирида юз берган. Бу ҳақда Repost хабар қилди.
Маълум қилинишича, 13 март куни СМРИ ҳудудида Сингапур ва Вестминстер университетлари жамоалари ўртасида футбол учрашуви бўлиб ўтган. Учрашув Сингапур институти жамоаси фойдасига 4:1 ҳисобида якунланган, шундан сўнг талабалар ўртасида катта жанжал келиб чиққан.
Жароҳатланганлар ҳақида маълумот берилмаган.
Ҳодиса Тошкент шаҳар ИИБ назорати остига олинган, жанжалнинг келиб чиқиш сабабларига ойдинлик киритиш учун воқеа иштирокчилари шахсига аниқлик киритилади.
Текширув натижаларига кўра, жанжал иштирокчиларининг ҳаракатларига ҳуқуқий баҳо берилади.
Изоҳ (0)