Хабар беришларича, ҳашар давомида маҳаллалар, кўчалар ва хиёбонлар, аҳоли хонадонларида жами 8 088 298 туп дарахт, жумладан, 4 063 483 туп манзарали, 4 024 815 туп мевали дарахт кўчатлари, 4 990 207 туп гул кўчатлари экилган.
Вазирлик келтирган маълумотларга кўра, ҳашар куни экилган жами манзарали дарахтларнинг 22,2 фоизи Тошкент вилоятида, мевали дарахтларнинг 29,6 фоизи Наманган вилоятида, гулларнинг 24,2 фоизи Тошкент вилоятида ўтқазилган. Ҳашар куни қор бўронига учраган Қорақалпоғистон ва Хоразмда ҳар учала йўналишда экилган ўсимликлар улуши 0,2 фоизга ҳам етмаган. Жумладан,
- Қорақалпоғистон бўйича 7 942 та манзарали, 6 393 та мевали дарахт, 2 012 та гул кўчатлари;
- Андижон вилоятида 239 650 та манзарали, 329 907 та мевали дарахт, 798 833 та гул кўчатлари;
- Бухоро вилоятида 340 493 та манзарали, 264 172 та мевали дарахт, 251 198 та гул кўчатлари;
- Жиззах вилоятида 88 566 та манзарали, 50 211 та мевали дарахт, 34 166 та гул кўчатлари;
- Навоий вилоятида 166 868 та манзарали, 106 872 та мевали дарахт, 169 269 та гул кўчатлари;
- Наманган вилоятида 581 476 та манзарали, 1 193 866 та мевали дарахт, 926 517 та гул кўчатлари;
- Самарқанд вилоятида 373 401 та манзарали, 336 748 та мевали дарахт, 493 856 та гул кўчатлари;
- Сирдарё вилоятида 130 309 та манзарали, 82 596 та мевали дарахт, 85 430 та гул кўчатлари;
- Сурхондарё вилоятида 160 110 та манзарали, 71 962 та мевали дарахт, 97 708 та гул кўчатлари;
- Тошкент вилоятида 915 765 та манзарали, 939 182 та мевали дарахт, 1 209 622 та гул кўчатлари;
- Фарғона вилоятида 764 984 та манзарали, 455 549 та мевали дарахт, 620 280 та гул кўчатлари;
- Хоразм вилоятида 7 101 та манзарали, 5 248 та мевали дарахт, 2 441 та гул кўчатлари;
- Қашқадарё вилоятида 303 095 та манзарали, 151 862 та мевали дарахт, 195 903 та гул кўчатлари;
- Тошкент шаҳри бўйича 33 721 та манзарали, 30 247 та мевали дарахт, 100 971 та гул кўчатлари экилди.
«Маҳалламга 30 туп дарахт менинг туҳфам» шиори остида маҳаллалардаги турар-жой мавзелари ва кўчаларга ташаббускор фуқаролар томонидан қўшимча равишда 30 тупдан дарахт кўчатлари экилган. Вазирлик ахборотида ушбу йўналишда жами қанча дарахт экилганига аниқлик киритилмаган.
Қайд этиш жоиз, вазирлик ахборотида кўрсатиб ўтилган экилган манзарали дарахтлар ва гуллар сони ҳудудлар кесимида берилган рақамлардан фарқ қилмоқда. Хусусан, вазирлик ахборотида 4 063 483 туп манзарали дарахт экилгани қайд этилган, ҳудудлар кесимида берилган сонлар йиғиндиси бўйича экилган манзарали дарахтлар сони 49 998 тага кўп.
Шунингдек, вазирлик ҳашар куни жами 4 990 207 та гул ўтқазилгани ҳақида ҳисобот берган, бироқ ҳудудлар кесимида берилган сонлар йиғиндисига кўра, ҳашар куни экилган гуллар сони вазирликнинг якуний ҳисоботидаги рақамдан 2001 тага кам. Айни вақтда, мевали дарахтлар сони умумий ҳисоботда ҳам, ҳудудлар кесимида ҳам бир хил.
Изоҳ (0)