Айшвария Рай ўрнига Карина Капур, Шоҳрух Хон ўрнига Салмон Хон: «Девдас» фильми ҳақида кўпчиликка номаълум бўлган қизиқарли маълумотлар (фото)

Ҳинд кинематографиясида алоҳида ўринга эга бўлган «Девдас» фильми ҳанузгача севиб томоша қилинади. Аммо кадр орти жараёнларига тегишли бўлган қизиқарли маълумотлар билан эса кўпчилик таниш эмас.

Картинада Шоҳрух Хоннинг дўсти Чуннилала образига Саиф Али Хон, Маножу Бажпаи ва Говиндалар таклиф этилган. Аммо уларнинг барчаси бу ролни рад этган. Натижада ушбу қаҳрамонни Жеки Шрофф ижро этган. Энг қизиғи, Девдас роли дастлаб Салмон Хонга таклиф қилинган бўлиб, актёрнинг рад жавоби туфайли Шоҳрух Хонга насиб этган.

Мадҳури Дикшит эса суратга тушиш жараёнида биринчи фарзандига ҳомиладор эди.

Карина Капур Санжайнинг дастлабки икки таклифини рад этган бўлса-да, ўзини Пару сифатида синаб кўрган.

Фильмдан ўрин олган «Kahed Chedd Mohe» таронасида Мадҳурининг либоси 30 килограмм оғирликда бўлган. Шу туфайли ҳам рақс жараёнида кўплаб муаммолар пайдо бўлган. Аммо катхак устаси Берху Махараж актрисага енгиллик яратиш учун осон ҳаракатларни ўйлаб топган.

Бҳансалининг сўзларига кўра, Парунинг бежирим уйининг ранги ойналари  ноябрдан июнь ойигача, муссон шамоли бўлмаган вақтда қурилган. Аммо қурилиш жараёнида 4 маротаба ёғган ёмғир туфайли ойна ранги хиралашиб қолган. Шунинг учун уларни доимо бўяшга тўғри келган.

Бастакор Исмоил Дарбар икки ярим йил давомида фильм учун мусиқа яратган. Аммо уларни ёзиб олиш учун атиги ўн кун вақт кетган.

Айшвария Рай ўзи суратга тушган фильмлар ичида энг севимлисини «Девдас» деб билади. Айнан ушбу лойиҳа уни 2002 йилда «Канн» фестивалидаги қизил гиламчага олиб чиққан эди. 2017 йил L’Oreal Paris очиқ осмон остидаги кинотеатрда намойиш этилган фильмда актриса ўз ролини қойилмақом тарзда ижро этган.

Бундан ташқари «Девдас» фильми «Time» журнали талқинига кўра, минг йиллик дунё фильмларининг кучли ўнталигидан ўрин олган.