NASA астронавтлари монтаж ишлари учун очиқ коинотга чиқди

Америкалик астронавтлар Виктор Гловер ва Майкл Хопкинс 13 март куни таъмирлаш-монтаж ишларини бажариш учун Халқаро космик станция (ХКС) бортидан очиқ коинотга чиқди. Бу ҳақда NASA’га таяниб, «Интерфакс» хабар берди.

АҚШнинг шарқий соҳил вақти билан соат 08:14 да (Тошкент вақти билан 18:14 да) Quest модулидан чиқиш бошланган. У тахминан 6,5 соат давом этади.

Caught in action! Check out @Astro_illini leaving or “egressing” the @Space_Station. Already outside the hatch, he is joining @AstroVicGlover for the duo’s second spacewalk together.

🔴 – Glover's or “Ike's” suit has red stripes
⚪️ – Hopkins' or” Hopper's” suit has no stripes pic.twitter.com/203mdc4KUi

— NASA (@NASA) March 13, 2021

Совутиш тизимининг самарадорлигини ошириш учун астронавтлар янги кабелларни ўрнатиши, электр кабелларини Европанинг Columbus модулидаги Bartolomeo платформасига улаши керак. Астронавтлар 2021 йилнинг 28 февраль куни очиқ космосга чиққанида механик муаммолар сабабли ушбу вазифани бажаришнинг иложи бўлмаган.

Шунингдек, улар Unity модулидаги симсиз антеннани алмаштириши, люк очилганда «учиб кетишига» йўл қўймаслик учун Quest термал қопқоғига тиргак ўрнатиши, бундан ташқари, станцияда иккита юқори аниқликдаги камераларни интернетга улаш учун кабеллар ўтказиши керак.

Бу экипаж аъзоларининг 2021 йил ҳисобидан ХКСдан тўртинчи марта, бутун тарих бўйича эса 237 марта очиқ коинотга чиқиши ҳисобланади.

Аввалроқ ХКСдан оғирлиги 2,5 тоннали, эски батареялари бўлган кераксиз платформа ташлаб юборилгани, эски батареялардан иборат платформа ССРМС масофавий манипулятори томонидан қабул қилингани ва хавфсиз ҳолатга келтирилганди. Шундан кейин у ХКСдан ташлаб юборилди.