Навоий вилоятида кузатилаётган ноқулай об-ҳаво шароити сабаб Зарафшон шаҳар, Учқудуқ ва Томди туманлари ҳудудидан ўтган йўлнинг бир қисми ёпилди, дея хабар қилмоқда ЙҲХББ.
Маълум қилинишича, вақти-вақти билан қор ва ёмғир ёғаётгани, шамол тезлиги 30-35 метр/секундгача кучайиб, йўлга сепилган қум ва туз аралашмаларини ҳам учириб юбораётгани, бунинг натижасида музламалар юзага келгани боис, Навоий вилояти Зарафшон шаҳар, Учқудуқ ва Томди туманлари ҳудудидан ўтган А-379 автомобиль йўлининг 206-289 километрларида транспорт воситалари ҳаракати вақтинча тўхтатилган.
Эслатиб ўтамиз, «Ўзгидромет» 13–14 март кунлари Ўзбекистонда ёмғир ва қор ёғиши, шамол тезлиги кучайиши маълум қилганди.
Бундан аввал Хоразмга кучли шамол ва қор бўрони ёпирилгани сабаб вилоятдаги кўплаб хонадонлар электр энергиясисиз қолгани ҳақида хабар берилганди.
Изоҳ (0)