Самарқанд вилоятида Damas автомобили 10 ёшли болани уриб юборди. Жабрланувчи ўта оғир аҳволда шифохонага ётқизилган, деб хабар беради «STV» телеканали.
Маълум қилинишича, йўл-транспорт ҳодисаси 7 март куни соат 17:00 да Пахтачи туманида содир бўлган. «Фай» маҳалласида истиқомат қилувчи фуқаро бошқарувида бўлган Damas болакайни уриб юбориб, бетон устунга бориқ тўқнашган.
Вилоят ИИБнинг таъкидлашича, авария оқибатида ҳайдовчига ҳеч қандай жароҳат етмаган, бола эса шифохонага етказилган.
Шифокорлар томонидан кўрсатилган зарур ёрдамга қарамай, жабрланувчининг аҳволи оғирлигича қолмоқда. 10 ёшли бола авария натижасида йўл четидаги бетон блокка урилган ва жиддий жароҳат олган.
Аввалроқ Навоийда 67 ёшли Tico ҳайдовчиси 58 ёшли велосипедчини уриб юборгани, жабрланувчи воқеа жойида вафот этгани тўғрисида хабар берилганди.
Мавзуга доир:
- Тошкентда Mercedes-Benz ҳайдовчиси икки пиёдани уриб кетди. Улардан бири ҳалок бўлди
- Сурхондарёда Nexia-2 йўлни кесиб ўтаётган 1-синф ўқувчисини уриб юборди
- Бўкада рулда ИИБ ходими бўлгани айтилган ҳайдовчи 8 ёшли қизни Spark’да уриб кетиб, унинг ҳолидан хабар олмагани ҳақидаги хабарларга расмий муносабат билдирилди
Изоҳ (0)