Ноёб ҳодиса: Юрмаладаги пляжда муз «маржон»лар пайдо бўлди

Латвиядаги Юрмала курорт шаҳрида жойлашган пляжда муз «маржон»лар пайдо бўлди, деб хабар беради Hi-Tech.Mail.ru.

Интернетда тарқалган кадрлардан кўриш мумкинки, муз сфераларнинг ўлчами турлича. Уларнинг баъзилари шу қадар каттаки, инсон кафтига зўрға сиғади.

https://twitter.com/tass_agency/status/1369910370505265158

Муз «маржонлар» — бу табиат ҳодисаси. Бундай «маржонлар» лойли қор билан сув аралашмасидан муз парчалари ҳосил бўлганда пайдо бўлади. Муз кристаллари денгиз тўлқинлари таъсирида сферик объектлар кўринишига киради.

Бу каби шарлар қирғоқдан узоқда пайдо бўлмайди. Видеода ҳам шарлар сув яқинида тасвирланган.

Аввалроқ совуқ об-ҳаво туфайли Москвадаги истироҳат боғида қорли «шиллиқуртлар» пайдо бўлгани тўғрисида хабар берилганди.