Ушбу дунё юлдузлари ўз аждоди билан мақтаниши мумкин. Сабаби модель, хонанда ёки актрисаларга гўзаллик чиндан ҳам онасидан ўтган.
Кенния Болдуин − Хейли Бибернинг онаси
Жастин Бибернинг рафиқаси онасига жуда ҳам ўхшаш. Кениянинг келиб чиқиши бразилиялик бўлиб, унинг аждодлари орасида португал, итальян ва испанлар ҳам бор. У ҳам аввал актрисалик карьерасини қурган, аммо ҳозирда график дизайнер сифатида фаолият юритади. «Онам ва мен эгизакларга ўхшаймиз», дея ҳазил қилади қизи Хейли.
Линн Айрен Брижес − Бртини Спирснинг онаси
Америкалик поп юлдузининг онаси шоу-бизнес оламидан анча йироқда. Линн Кенвудда бошланғич синф ўқитувчиси бўлиб ишлаган. Кейинчалик у ўзининг ёзувчилик қобилиятини кашф этди ва машҳурликка эришган қизи ҳақида китоб ёзди. Ташқи кўринишдаги ўхшашликларга қарамай, юлдуз ва унинг ота-онаси ўртасидаги муносабатлар яхши эмас. Бритни машҳурликка эришгач, унинг онаси қизини молиявий томондан бошқаришга қарор қилган.
Маршелин Бертран − Анжелина Жолининг онаси
Брэд Питтнинг собиқ қайнона, қайнотаси ҳам актриса бўлган. Аммо улар иккинчи даражали роллар билан чекланган. Анжелина чиройини онасидан мерос қилиб олганини кўриш мумкин. Анжелина отасидан айрилганда онасидан жуда хавотир олган. Афсуски, унинг онаси ҳам 2007 йилда саратон касаллигидан вафот этган. «Мен кўзгуга қараб, онамга ўхшаб кетаётганимни сезяпман. Ва мен бундан жуда ҳам хурсандман», − дейди актриса.
Валери Моррис-Кэмпбелл − Наоми Кэмпбеллнинг онаси
Подиум юлдузи ота-онасидан ташқи кўринишни мерос қилиб олган. Валери ҳам ёшлигида балерина ва модель бўлган. У машҳур брендлар учун суратга тушишда иштирок этади ва кўпинча қизи билан ҳам подиумга чиқади.
Эрни Клум − Ҳайди Клумнинг онаси
Айнан унинг онаси ёш қизини мода оламига қизиқишда илҳомлантирган. Эрнининг ўзи стилист. У тез-тез қизига образ танлашда ёрдам беради. Она ва бола бир-бирига жуда ўхшаш. Шунингдек, бир хил кўринишга ҳам ҳаракат қилади.
Гваделупе Родригес − Женнифер Лопеснинг онаси
Женнифер пуэрто-риколиклар оиласида дунёга келган. Женни онасидан нафақат юз ифодалари, балки мусиқага бўлган иштиёқни ҳам мерос қилиб олган. «Онам мусиқа, фильмлар, тарих ва ҳақиқий муҳаббатга ишонади. Ва буларнинг барчасини менда кўришни истади», − дейди Женнифер. Илгари она ва бола ўртасида бир қанча келишмовчиликлар бўлган, аммо ҳозирда улар кўп вақтини биргаликда ўтказади.
Мавзуга доир:
Изоҳ (0)