Мухлислик қиладиган ҳинд актёр ва актрисалар ҳақида барча маълумотларни биламан, деб ўйласангиз, янглишасиз. Нафақат сиз, балки ҳамма ҳам маълумотга эга бўлмаган қизиқарли фактлардан хабар топгач, ажабланишингизга шубҳа йўқ.
Дунё гўзали Айшвария Рай ўз омадини кино оламида синаб кўришдан аввал, телесериалларнинг дубляж синовига борган. Аммо айрим сабабларга кўра унга йўқ жавоби берилган.
Паспорт бўйича Шаҳид, Капур эмас Хаттор. Фамилия унинг ўгай отаси Ражеш Хатторга тегишли.
Раж Капур киносаноатда илк бор актёр сифатида суратга тушишдан аввал Дилип Кумарнинг дебют лойиҳасида режиссёр ёрдамчиси сифатида ишлаган.
Эсда қоларли роллар ижрочиси Ритикнинг ҳақиқий фамиляси Рошан эмас, Награтҳ.
Мумбайга кўчиб келган Анил Капурнинг оиласи, Раж Капурнинг гаражида яшаган.
Падмини Колхапуре карьерасини хонанда сифатида бошлаган. «Яадон Ки Бараат» номли қўшиқ айтганида актриса 8 ёш бўлган. 10 ёшида эса илк бор кинода суратга тушган.
Амитабҳ Баччаннинг бунгалоси аввалига Манса деб аталган. Кейин эса Жалсага ўзгартирилган. Худди шунинг сингари Шоҳрух Хоннинг ҳозирги Маннат номли бунгалоси аввалига Жаннат бўлган.
Амитабҳ Баччан Лондондаги Мадам Тюссо музейига мум ҳайкали қўйилган илк осиёлик актёр саналади.
Салмон Хоннинг асл исми — Абдул Рашид Салим Салмон Хон. Ота томондан келиб чиқиши афғонларга бориб тақаладиган актёрнинг аждодлари 1800 йиллар ўрталарида Ҳиндистонга кўчиб келган. Онаси Сушила Чарак (Салма Хон) эса келиб чиқиши жиҳатидан маратҳ ва ражпутларга мансуб.
Амрита Раонинг буваси ва таниқли актёр ва режиссёр Гуру Датт амакиваччаларнинг фарзанди ҳисобланади.Амританинг актрисалик фаолиятини бошлашига Айнан Датт иштирокидаги фильмлар туртки бўлган.
Изоҳ (0)