“Biz xuddi egizakdekmiz”: Spirs, Lopes va boshqa yulduzlar onasi bilan qanchalik o‘xshash? (foto)

Ushbu dunyo yulduzlari o‘z ajdodi bilan maqtanishi mumkin. Sababi model, xonanda yoki aktrisalarga go‘zallik chindan ham onasidan o‘tgan.

Kenniya Bolduin − Xeyli Biberning onasi

Jastin Biberning rafiqasi onasiga juda ham o‘xshash. Keniyaning kelib chiqishi braziliyalik bo‘lib, uning ajdodlari orasida portugal, italyan va ispanlar ham bor. U ham avval aktrisalik karyerasini qurgan, ammo hozirda grafik dizayner sifatida faoliyat yuritadi. “Onam va men egizaklarga o‘xshaymiz”, deya hazil qiladi qizi Xeyli.

Linn Ayren Brijes − Brtini Spirsning onasi

Amerikalik pop yulduzining onasi shou-biznes olamidan ancha yiroqda. Linn Kenvudda boshlang‘ich sinf o‘qituvchisi bo‘lib ishlagan. Keyinchalik u o‘zining yozuvchilik qobiliyatini kashf etdi va mashhurlikka erishgan qizi haqida kitob yozdi. Tashqi ko‘rinishdagi o‘xshashliklarga qaramay, yulduz va uning ota-onasi o‘rtasidagi munosabatlar yaxshi emas. Britni mashhurlikka erishgach, uning onasi qizini moliyaviy tomondan boshqarishga qaror qilgan.

Marshelin Bertran − Anjelina Jolining onasi 

Bred Pittning sobiq qaynona, qaynotasi ham aktrisa bo‘lgan. Ammo ular ikkinchi darajali rollar bilan cheklangan. Anjelina chiroyini onasidan meros qilib olganini ko‘rish mumkin. Anjelina otasidan ayrilganda onasidan juda xavotir olgan. Afsuski, uning onasi ham 2007-yilda saraton kasalligidan vafot etgan. “Men ko‘zguga qarab, onamga o‘xshab ketayotganimni sezyapman. Va men bundan juda ham xursandman”, − deydi aktrisa.

Valeri Morris-Kempbell − Naomi Kempbellning onasi

Podium yulduzi ota-onasidan tashqi ko‘rinishni meros qilib olgan. Valeri ham yoshligida balerina va model bo‘lgan. U mashhur brendlar uchun suratga tushishda ishtirok etadi va ko‘pincha qizi bilan ham podiumga chiqadi.

Erni Klum − Haydi Klumning onasi 

Aynan uning onasi yosh qizini moda olamiga qiziqishda ilhomlantirgan. Ernining o‘zi stilist. U tez-tez qiziga obraz tanlashda yordam beradi. Ona va bola bir-biriga juda o‘xshash. Shuningdek, bir xil ko‘rinishga ham harakat qiladi.

Gvadelupe Rodriges − Jennifer Lopesning onasi

Jennifer puerto-rikoliklar oilasida dunyoga kelgan. Jenni onasidan nafaqat yuz ifodalari, balki musiqaga bo‘lgan ishtiyoqni ham meros qilib olgan. “Onam musiqa, filmlar, tarix va haqiqiy muhabbatga ishonadi. Va bularning barchasini menda ko‘rishni istadi”, − deydi Jennifer. Ilgari ona va bola o‘rtasida bir qancha kelishmovchiliklar bo‘lgan, ammo hozirda ular ko‘p vaqtini birgalikda o‘tkazadi.