Кўпчилик ушбу юлдузлар ҳамиша ёш кўринишни хоҳлайди, деб ўйлаши мумкин. Аслида, вазиятлар турлича. Кимдир ҳаяжондан ёшини унутган бўлса, яна бир бошқа юлдуз фильмда рол ижро этиш учун ҳам ўзининг ёшини катта қилиб айтган.
Женнифер Лопес
Юлдуз карьерасининг илк дамларида аслида туғилган йилидан бир йил ўтиб дунёга келганини маълум қилган. Аммо тасодифан унинг ўша вақтдаги севгилиси Шон Комбс ҳибсга олинганида у 1970 йилда эмас, 1969 йилда туғилганини тан олишига тўғри келган.
Лоуренс Фишберн
Актёр Френсис Форд Копполага ёлғон гапирган. У 1979 йил «Апокалипсис ҳозирда» фильмида роль ижро этиш учун 14 ёшида ўзини 16 ёш деб таништирган.
Мила Кунис
Актриса ҳам кинодаги илк ишида ёлғон гапиришига тўғри келган. «Бу 70 йиллар» шоуси танловларида 14 ёшли актриса яқинда 18 га тўлишини маълум қилган, чунки продюсерлар актрисаларнинг ёши катта бўлиши кераклигини таъкидлаган.
Эминем
Эминем 1999 йилда Говард Штерн шоусида ўзининг ёшини 24 да деб айтган, аслида эса 27 яшар бўлган. Мухлислар рэпернинг сўзларига ҳайрон қолган. Кейинчалик улар юлдуз аслида ёшини унутиб қўйган, дея тахмин қилган.
Ребел Уилсон
2015 йил актрисанинг ҳаётида ноаниқликлар пайдо бўлган. Унинг синфдоши Ребелнинг ёши 29 эмаслиги, у аллақачон 30 дан ошганини маълум қилган. Айрим маълумотларга кўра, актрисани ёлғончи деганларни у судга ҳам берган.
Сандра Буллок
Актриса ёши ҳақида ҳеч қачон тўғрисини айтмаган. Баъзида ошириб юборса, баъзида бунинг аксини айтади. Журналистлар ҳам актрисанинг ёши борасида аниқ маълумотга эга эмас.
Анастейша
Хонанда ёш борасида ҳаммани ҳайратда қолдирди. У альбом тақдимотида ўзини 22 ёшда эканлигини айтган, аслида эса у 30 ёшда эди.
Изоҳ (0)