АҚШ президенти Жо Байденнинг ёрдамчилари давлат раҳбари Вашингтондаги хўжалик моллари дўконига ташриф буюрган вақтда ОАВ вакиллари у билан савол-жавоб қилмоқчи бўлганида уларни узоқлаштирган. Бу ҳақда Daily Mail хабар берди.
Нашрнинг қайд этишича, Байден қарийб ўн дақиқа давомида дўконни сотувчилар билан бирга айланган, шундан кейин журналистлар президентга саволлар беришга уринган ва улардан бири Мексика чегарасидаги инқироз хусусида савол беришга ҳам улгурган. Байден саволга жавоб қайтаришга уринаётган пайтда унинг ёрдамчилари матбуот вакилларидан дўконни тарк этишни илтимос қилган.
Fox News Байденнинг президентлик лавозимига киришганига 48 кундан ошгани, бироқ у ҳанузгача расмий матбуот анжумани ўтказмаганлигини эслатган. Бу охирги 100 йил ичидаги рекорд, аввалги президентлар журналистлар билан давлат раҳбари лавозимига киришганларидан кейин ўртача 30 кун ичида учрашган ва суҳбатлашган эди.
Март ойи бошида Оқ уй номаълум сабабларга кўра Байден иштирокидаги онлайн трансляцияни узиб қўйган. Президент конгрессмен-демократларнинг саволларига жавоб бериши керак эди, аммо эфир кутилмаган паллада узилиб қолган.
Аввал Жо Байденнинг овчаркаси махфий агентни тишлаб олгани учун Оқ уйдан узоқлаштирилгани ҳақида хабар берилганди.
Изоҳ (0)