Германияда олтита федерал ҳукумат органи Microsoft’нинг электрон почта тизими орқали киберҳужумларга учради. Бу ҳақда ахборот хавфсизлиги бўйича федерал бошқарма (BSI) ахборотига таяниб DPA нашри хабар қилган.
Бошқарма идоралар номини ошкор этмаган, бироқ тўртта ҳолатда ахборотни ўзлаштириш кузатилган бўлиши мумкинлигини маълум қилган.
BSI 5 март куни мамлакатдаги ташкилот ва идораларни огоҳлантирган, барча ҳукумат органлари киберҳужумга учраши мумкинлигини билдирганди.
Аввалроқ Microsoft АҚШдаги давлат идораларига қилинган киберҳужумлар ортида Хитой ҳукумати турганини тахмин қилган. Хакерлар Хитой ҳукумати молиялаштирган Hafnium гуруҳи вакиллари бўлиши мумкин.
Шунингдек, АҚШдаги 20 мингдан зиёд хусусий компаниялар ва давлат тузилмалари, шунингдек, Европа ва Осиёдаги ўнлаб ташкилотлар Microsoft компанияси томонидан ишлаб чиқилган, хабарномалар алмашинувини таъминловчи Exchange Server дастури туфайли хакерлар ҳужумига учрагани, АҚШ 2020 йил охирида ҳукумат муассасаларига уюштирилган кенг кўламли хакерлик ҳужумига жавобан Россияга қарши кейинги уч ҳафта ичида бир нечта киберҳужумларни бошлаши ҳақида хабарлар берилган.
Изоҳ (0)