Тошкент шаҳридаги «Hilton» меҳмонхонасида 8 март куни «Мендирман Жалолиддин» сериали ижодкорлари иштирокида матбуот анжумани ташкил этилди. Туркиянинг Ўзбекистондаги элчихонаси томонидан ўтказилган учрашувда ОАВ вакиллари ўзларини қизиқтирган саволларга жавоб олди. «Дарё» мухбири мазкур тадбирдан фотожамланма тайёрлади.
Сериалда Жавоҳир Зокиров Чингизхон, Эмре Кивилжим Жалолиддин Мангуберди, Гуленай Калкан Туркон Хотун, Каан Ялчин Султон Аловуддин Муҳаммад, Сезгин Эрдемир Темур Малик, Саида Раметова Туркон хотуннинг канизи Ойгул, Раъно Шодиева Хоразмшоҳ Аловуддин Муҳаммаднинг хотини Ойчечак, Райҳон Уласенова Аловуддин Муҳаммаднинг хотини, Ўзлоқшоҳ ва Оқшоҳнинг онаси, Акбархўжа Расулов Ўзлоқшоҳ, Феруза Норматова Ўтрор ҳокими Инолчихоннинг қизи, актёрлар Жамшид Сагатов ва Акмал Мирзо моғул саркардалари, Алихан Чингизхоннинг ўғли Жўжи, Бойир Холмирзаев Нажмиддин Кубро, Тоҳир Саидов бош вазир Низомул мулк, Жаҳонгир Абдумаликов Жалолиддин Мангубердингинг муҳофизи ролларини ижро этишган.
Сериал учун Туркияда 30 гектар майдонда барпо этилган «Бўздағ фильм» платосида Ўзбекистоннинг XIII асрга оид муҳити жонлантирилди. 1200 нафар ишчи-хизматчининг меҳнати билан 3500 квадрат метр майдонда баландлиги 5,5 метр бўлган икки қаватли Хоразмшоҳ саройи қад кўтарди. Мендирман Жалолиддин сериалининг саҳро жанг саҳналари Истанбулдан 750 км масофадаги Оқсарой музофотида суратга олинди.
«Мендирман Жалолиддин» сериалининг биринчи фасли 13 қисмдан иборат. Лойиҳа раҳбари Миллий масс-медиани қўллаб-қувватлаш ва ривожлантириш жамоат фонди Васийлик кенгаши раиси ўринбосари Саида Мирзиёева. Ғоя муаллифи ҳамда бош продюсер Ўзбекистон Республикаси Маданият вазири Озодбек Назарбеков.
Эслатиб ўтамиз, аввалроқ Ўзбекистон Президенти Шавкат Мирзиёев Халқаро хотин-қизлар куни муносабати билан тантанали маросимда актриса Юлдуз Ражабова иштирокидаги фильмни (актриса «Мендирман Жалолиддин» сериалида Қутлибека образини гавдалантирмоқда. Шунингдек, у «Оскар» мукофотига тавсия этилган «Фариданинг икки минг қўшиғи» фильмида ҳам бош ролни ижро этган) эътироф этиб, уни ижодни сусайтирмасликка чақирган эди.
Мавзуга доир:
- Саида Мирзиёева «Мендирман Жалолиддин» сериали ҳақида: Кун келиб тарихий шахслар ҳақидаги фильм суратга олинишига ўз ҳиссамни қўшаман, дердим
- Эмре Кивилжим — Жалолиддин, Жавоҳир Зокиров — Чингизхон, Гуленай Калкан — Туркон Хотун. «Мендирман Жалолиддин» тақдимотидан репортаж (фото ва видео)
- «Қийналиб кетдим». Юлдуз Ражабова Туркияда 10 ой яшагани, «Мендирман Жалолиддин» сериалидаги қийинчиликларга тўла роли ҳақида (видео)
- «Гонорарим меҳнатимга яраша». Райҳон Уласенова «Мендирман Жалолиддин» сериалида аскардек меҳнат қилгани ҳақида гапирди (видео)
Изоҳ (0)