Футбол бўйича Россия Премьер Лигасининг 21-турида «Уфа» 7 март, якшанба куни «Урал»га қарши сафар ўйинида иштирок этди.
Учрашувнинг 14-дақиқасидаёқ меҳмонлар бир ўйинчи кам бўлиб қолди. Бунинг устига биринчи бўлим сўнгида «Уфа»нинг ўзбекистонлик ярим ҳимоячиси Остон Ўрунов жароҳат олиб, майдонни тарк этди. Бироқ учрашувда ҳисоб очилмади ва томонлар муроса йўлини танлади.
«Уфа» 14 очко билан 14-поғонада бормоқда, 12-ўриндаги «Урал»да 23 очко бор. «Уфа» кейинги турда «Рубин»ни қабул қилади, «Урал» эса «Ротор»га қарши ўйин ўтказади.
Эслатиб ўтамиз, 3 март куни «Уфа» Россия Кубоги 1/8 финалида айнан «Урал» билан баҳс юритган ва 3:0 ҳисобида ғалаба қозонганди. Ўша учрашувда Ўрунов голли узатма муаллифига айланганди.
РПЛ
21-тур баҳси
7 март, якшанба
«Урал» — «Уфа» 0:0
«Урал»: Годзюр, Страннберг, Кулаков, Риков, Калинин, Йовичич (Панюков, 79), Аугустиняк, Егоричев (Евсеев, 62), ал-Кабир, Погребняк, Ибраҳимай (Гажимурадов, 46).«Уфа»: Беленов, Табидзе, Плиев, Сухов, Мрзляк, Ўрунов (Кротов, 41), Милетич (Аликин, 84), Бизоза, Ёкич, Жамалетдинов (Голубев, 90), Андрич (Сисуев, 90).
Огоҳлантиришлар: Риков (56), Сухов (61), Гажимурадов (73), Мрзляк (83), Кулаков (90).
Четлатиш: Бизоза (14).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)