Ярим енгил вазн тоифасида ҳаракат қилувчи UFC жангчиси Зубайра Тухугов (19-5-1) ва Рикардо Рамос (14-3) ўртасидаги жанг бекор қилинди. Бу ҳақда журналист Игор Лазорин хабар қилмоқда.
Таъкидланишича, Зубайра тиззасидан жароҳат олган. Россиялик яккакурашчи жанг ўтказа олмаслиги ҳақида UFC’га маълум қилган.
Тухугов ва Рамос ўртасидаги жанг 14 март кунги UFC Вегас 21 мусобақасида бўлиб ўтиши белгиланганди.
30 ёшли Тухугов сўнгги жангини 2020 йилнинг сентябрида ўтказиб, кутилмагандан Ҳаким Даводуга ютқазиб қўйганди. Рамос эса июль ойида Лерон Мёрфига қарши жангда нокаутга учраган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)