Илон Маск 17 ёшида жуда юқори натижалари сабаб дастурлаш бўйича тестларни қайта топширишга мажбур бўлган

Америкалик тадбиркор Илон Маскнинг онаси Мэй Маскнинг сўзларига кўра, унинг ўғли ёшлигида дастурлаш бўйича тестлардаги жуда яхши натижалари сабаб доим уни қайта топширишга мажбур бўлган. Ўзининг Twitter’даги саҳифасида у 1989 йилнинг май ойи санаси қўйилган университет ҳужжатининг нусхасини жойлаштирган, деб ёзади Esquire.

«Компьютер саводхонлиги бўйича 17 ёшингда топширган тестингни топиб олдим. Агар хотирам панд бермаса, имтиҳон олувчилар ҳеч қачон бундай юқори натижани кўрмагани сабаб сени қайта текширишга мажбур бўлганди. Бу қадар ажойиб муҳандис эканлигинг ажабланарли эмас», — деб ёзади Мэй.

.⁦⁦@elonmusk⁩ I found your computer aptitude test from when you were 17. If I remember correctly, they had to retest you because they had never seen such a high score. No wonder you are such a brilliant engineer. #ProudMom pic.twitter.com/7sGxAvLF4r

— Maye Musk (@mayemusk) March 3, 2021

Мэй ўз постига ўғлини тег қилган, бироқ Илон Маск ҳали жавоб қайтарганича йўқ. У навбатдаги ракетасини учириш билан банд бўлса керак.

Аввалроқ Илон Маск маймунга компьютерда ўйин ўйнашни ўргатгани тўғрисида хабар берилганди.