Қорақалпоғистон ҳукумати таркибида ўзгаришлар юз берди. Бу ҳақда республика Вазирлар Кенгаши матбуот хизмати маълум қилди.
Хабар беришларича, шу вақтгача Элликқалъа тумани ҳокими ўринбосари — Инвестиция ва ташқи савдо бўлими бошлиғи лавозимида ишлаб келган Йўлдош Қўчқорович Алимов Қорақалпоғистон бандлик ва меҳнат муносабатлари вазири этиб тайинланган.
2019 йил мартидан бери Қорақалпоғистон транспорт вазири лавозимида ишлаб келган Аллаберган Бердиев эгаллаб турган лавозимидан озод этилиб, унинг ўрнига Султанбай Пердебаевич Сапаров транспорт вазири этиб тайинланган.
Мазкур истеъфо ва тайинловлар бўйича бошқа тафсилотлар маълум қилинмаган.
Аввалроқ Қорақалпоғистон Экология қўмитасига раис тайинлангани ҳақида хабар берилган эди.
Изоҳ (0)