Abdurahmon Saparov Qoraqalpog‘iston Respublikasi Ekologiya va atrof-muhitni muhofaza qilish qo‘mitasi raisi etib tayinlandi. Bu haqda Qoraqalpog‘iston axborot agentligi xabar berdi.
Tayinlov Jo‘qorg‘i Kengesning 1-martdagi 263-sonli qarori bilan amalga oshirilgan.
Abdurahmon Saparov shu kunga qadar Nukus davlat pedagogika instituti kimyo-biologiya fakulteti dekani lavozimida faoliyat yuritib kelayotgan edi.
Eslatib o‘tamiz, 2020-yilning noyabrida O‘zbekiston Ekologiya va atrof-muhitni muhofaza qilish davlat qo‘mitasiga Alisher Maqsudov rais etib tayinlangandi.