Qoraqalpog‘istonning Transport va Mehnat vazirliklari rahbarlari o‘zgardi

Qoraqalpog‘iston hukumati tarkibida o‘zgarishlar yuz berdi. Bu haqda respublika Vazirlar Kengashi matbuot xizmati ma’lum qildi.

Xabar berishlaricha, shu vaqtgacha Ellikqal’a tumani hokimi o‘rinbosari — Investitsiya va tashqi savdo bo‘limi boshlig‘i lavozimida ishlab kelgan Yo‘ldosh Qo‘chqorovich Alimov Qoraqalpog‘iston bandlik va mehnat munosabatlari vaziri etib tayinlangan.

2019-yil martidan beri Qoraqalpog‘iston transport vaziri lavozimida ishlab kelgan Allabergan Berdiyev egallab turgan lavozimidan ozod etilib, uning o‘rniga Sultanbay Perdebayevich Saparov transport vaziri etib tayinlangan.

Mazkur iste’fo va tayinlovlar bo‘yicha boshqa tafsilotlar ma’lum qilinmagan.

Avvalroq Qoraqalpog‘iston Ekologiya qo‘mitasiga rais tayinlangani haqida xabar berilgan edi.