Катта квартиралар ва дала ҳовлилар учун премиум телевизорларни ишлаб чиқариш билан шуғулланувчи C SЕЕD компанияси дунёда биринчи бўлиб худди «гармошка» каби йиғиладиган М1 телевизорини тақдим этди, деб хабар беради Hi-Tech.Mail.ru.
Ушбу телевизор экрани шарнирлар ёрдамида тўртта жойидан букланади — дисплей бешта секциядан иборат, бироқ ёйилган ҳолатда у кўзга ташланмайдиган ҳошияларсиз, ягона панел каби. Мазкур конструкция телевизорни полга яшириш мумкин бўлиши учун ўйлаб топилган. Панел том маънода уй эгаларининг кўз ўнгига полдан чиқиб келади ва ёйилади.
Табиий телевизор жуда катта — диагонали 165 дюйм. Уй учун 55 дюймли моделлар стандарт катта телевизор ҳисобланади. C SЕЕD М1 телевизори эса 4 K сифатни қўллаб-қувватловчи micrоLED матрицага эга бўлган. Шунингдек, 1000 нит ёруғликнинг юқори нуқтаси ва яхши ички акустика ваъда қилинмоқда.
C SЕЕD телевизори жуда қиммат ҳашамат бўлгани сабаб у фақат буюртма асосида тайёрланади ва жуда қиммат нархда сотилади — 400 минг доллар. Бутун конструкцияни полга жойлаштиришга қанча маблағ сарфланиши номаълум.
Аввалроқ LG компанияси ойначага эга, ўраладиган телевизорни ўйлаб топгани тўғрисида хабар берилганди.