Вазирлар Маҳкамаси қарори билан 2021—2025 йилларда судларнинг бинолари ва хоналарини қуриш ҳамда реконструкция қилиш дастури тасдиқланди, дея хабар бермоқда Адлия вазирлиги.
Дастурга кўра, белгиланган йилларда республика бўйича жами 31 та янги суд биноси қурилиб, 107 таси реконструкция қилинади.
Қорақалпоғистон Вазирлар Кенгаши, вилоятлар ва Тошкент шаҳар ҳокимликлари «Ягона буюртмачи хизмати» инжиниринг компаниялари дастурда назарда тутилган объектлар бўйича буюртмачи этиб белгиланди.
Бундан аввал Ўзбекистонда ОАВ вакилларининг жазони ижро этиш муассасаларига ташрифи бўйича янги тартиб белгилангани ҳамда Ўзбекистон қамоқхоналарида намоз ўқиш ва рўза тутиш бўйича чекловлар йўқлиги маълум қилингани ҳақида хабар берилганди.
Изоҳ (0)