Австралиядаги Shannons аукциони орқали 1958 йилда ишлаб чиқарилган Porsche 356А модели сотилди. Савдолар якунида эришилган нарх сотувчиларнинг ўзини ҳам ҳайрон қолдирди: харидор занг босган кабриолетни 178,5 минг АҚШ долларга сотиб олган, деб хабар беради Motor.
Аукцион 23 февраль куни якунланган. Ноёб кабриолет 60 дан ортиқ потенциал харидорларни ўзига жалб этган бўлиб, уларнинг икки нафари бир-бирга қарши бўлиб қолган. Натижада савдоларнинг сўнгги соатида нарх 75 минг долларга чиқиб кетган, финал босқичида эса 178 минг доллардан ошган. Таққослаш учун, 2021 йилда ишлаб чиқарилган Porsche 911 модели Австралияда олти минг доллар қимматроқ туради.
Машинани «100 минг атрофида» сотишни режалаштирган кимошди уйи вакилларининг сўзларига кўра, эришилган натижа кутилганидан ҳам аъло бўлиб чиққан. Лот атрофида содир бўлган ажиотаж унинг ноёблиги билан изоҳланмоқда: кабриолетнинг руль қисми ўнг томонига ўрнатилган ва энг бой опсиялар рўйхатига эга.
Сўнгги чорак аср давомида Брисбен яқинидаги гаражда сақланган Porsche’ни таъмирлаш учун яна 100-300 минг доллар сарфлашга тўғри келади.
Мавзуга доир: Дунёдаги энг ишончли автомобиллар рейтинги эълон қилинди
Изоҳ (0)